Drejtori i Përgjithshëm i OBSH-së i dënoi komentet e dy mjekëve francezë

Drejtori i Përgjithshëm i OBSH-së i dënoi komentet e dy mjekëve francezë

Kreu i Organizatës Botërore të Shëndetit (OBSH) dënoi si “raciste” komentet e dy mjekëve francezë që sugjeruan që një vaksinë për koronavirusin mund të testohej në Afrikë.

“Afrika nuk mund dhe nuk do të jetë një vend për testimin e asnjë vaksine”,  tha drejtori i Përgjithshëm i OBSH-së, Tedros Adhanom Ghebreyesus.

Ai këto komente i bëri pas sugjerimeve të disa mjekëve që u akuzuan se i trajtonin afrikanët si “derra njerëzorë”. Njëri prej tyre më vonë kërkoi falje, transmeton BBC.

Kur u pyet për sugjerimin e mjekëve gjatë konferencës së koronavirusit të OBSH-së, Tedros u zemërua shumë, duke e quajtur atë një varje nga “mentaliteti kolonial”.

“Ishte një turp, i tmerrshëm për të dëgjuar gjatë shekullit 21 nga shkencëtarët. Ne e dënojmë këtë fuqishëm dhe ju sigurojmë se kjo nuk do të ndodhë”, tha ai.

Gjatë një debati në kanalin televiziv francez LCI, Camille Locht, drejtuese e hulumtimit në grupin e kërkimit shëndetësor Inserm, ishte duke folur për një testim vaksinash në Evropë dhe Australi.

Jean-Paul Mira, kreu i kujdesit intensiv në spitalin Cochin në Paris, tha se “a nuk duhet ta bëjmë këtë testim në Afrikë, ku nuk ka maska, asnjë trajtim?”

“Pak a shumë sikur të bëhet diku tjetër për disa studime mbi SIDA. Në prostituta, ne provojmë gjëra, sepse e dimë se ato janë shumë të ekspozuara dhe nuk mbrojnë as veten,” shtoi ai.

Camille Locht u pajtua me këtë sugjerim, duke thënë se po mendojnë për një testim paralelisht edhe në Afrikë.