Bota nuk do t’i rikthehet normalitetit të mëparshëm në një të ardhme të afërt, theksoi sot Organizata Botërore e Shëndetësisë pas një dite rekord me 230 mijë raste me koronavirus në botë.

“Virusi mbetet armiku publik numër një, por veprimet e shumë qeverive dhe personave nuk e pasqyrojnë këtë”, deklaroi për median drejtori i përgjithshëm i OBSH-së, Tedros Adhanom Ghebreyesus duke nënvizuar se shumë vende po shkojnë në drejtim të keq.

OBSH-ja njoftoi dje një rekord ditor të infektuarish me mbi 230 mijë raste të reja në botë.

Pjesa më e madhe e këtyre 230 mijë e 370 rasteve dhe 5 mijë e 285 viktimave të regjistruara më 12 korrik ishin nga shtetet e Amerikës së Veriut dhe Jugut, pasi vetëm në SHBA u regjistruan 66 mijë e 281 raste.

SHBA, shteti më i prekur në botë, tashmë ka më shumë se 3,3 milionë raste dhe 135 mijë të vdekur.