Kryetarja e Kuvendit, Vjosa Osmani ka thënë prapë se vendit i duhet një bazë ligjore për luftimin e pandemisë.

Osmani po ashtu ka deklaruar se nuk ka asgjë politike në vlerësimin e Gjykatës Kushtetuese.

“Unë shpresoj që shumë shpejt ky projektligj të vjen në kuvend për lexim të parë ta ketë votën tuaj. Mirëpo, mos thoni që kjo është iniciuar për arsye politike. Nuk ka asgjë politike në vlerësimin e Gjykatës Kushtetuese që duhet ligj. Ata e kanë sqaruar shumë mirë për dallim prej asaj që po tenton ta thotë një nga zëvendëskryeministrat. Ata thonë që për të bërë kufizime për të drejtat e njeriut sikur për këto që janë të nevojshme këto ditë nuk duhet gjendje e jashtëzakonshme, por mjafton një ligj sipas nenit 55 të Kushtetutës. Nuk kemi asnjëri të drejtën që ta bllokojmë një mundësi që të luftohet pandemia dhe kjo arrihet nëpërmjet këtij ligji”, ka thënë Osmani./21Media