U.d. e Presidentit, Vjosa Osmani sot mbajti takim me shefin e Zyrës së BE-së në Kosovë, Tomas Szunyog, me të cilin diskutoi për zhvillimet e fundit në Kosovë, me theks të posaçëm për nevojën e respektimit të vendimit të Gjykatës Kushtetuese si dhe të afateve ligjore.

Siç informoi presidenca, palët diskutuan po ashtu për menaxhimin e situatës me Covid-19, si dhe  përpjekjet për sigurimin e vaksinës për qytetarët e Kosovës.

“Të dy bashkëbiseduesit u dakorduan që kjo çështje të trajtohet me prioritet, ndërkaq institucionet e Kosovës ta kenë një plan të qartë të vaksinimit.”, u bë e ditur në komunikatë./21Media