"Nuk lejoj asnjë të papërgjegjshëm të më pengojë", ka thënë znj. Osmani, kryetarja e Kuvendit të Kosovës

“Nuk lejoj asnjë të papërgjegjshëm të më pengojë”, ka thënë znj. Osmani, kryetarja e Kuvendit të Kosovës

Kryetarja e Kuvendit, Vjosa Osmani, e ka paraqitur në Polici rastin e vërsuljes nga deputeti i LDK-së Xhavit Ukaj.

Osmani menjëherë pas ndërprerjes së punimeve të seancës së Kuvendit, i është drejtuar Policisë për të paraqitur si kërcënim nga deputeti në fjalë.

Këtë lajm Osmani e ka bërë të ditur përmes një statusi në Facebook;

Ndaj deputetit që më ka kërcënuar fizikisht dhe me gjuhë banale të paprecedent për një institucion si Kuvendi, kam hapur rast në polici. Shpresoj që organet e rendit të merren sa më shpejt me këtë rast, ndërkaq ne i kthehemi punës së Kuvendit të hënën në orën 14:00, sipas vendimit të Kryesisë së Kuvendit. Ka tema të rëndësishme me të cilat duhet të merremi, siç është menaxhimi i pandemisë dhe nuk lejoj asnjë person të papërgjegjshëm të më pengojë në kryerjen e detyrës zyrtare në përputhje me rregulloren e Kuvendit”, ka shkruar Osmani.

Kujtojmë se menjëherë pas rastit, Osmani e mbylli seancën e Kuvendit të Kosovës.