Pamje brenda Shtëpisë së Kulturës “Hasan Prishtina” në Vushtrri

Kryetari i Komunës së Vushtrrisë, Xhafer Tahiri ka publikuar fotografi nga ambienti brenda Shtëpisë së Kulturës “Hasan Prishtina” në këtë qytet.

Tahiri dje ka thënë se inaugurimi i kësaj qendre është dëshmi e besimit në ndryshim dhe dëshmi për atë që deshën qytetarët e Vushtrrisë që këtu të mbetet Shtëpia e Kulturës dhe jo banesa siç ishte planifikuar më parë.

“Shtëpia e Kulturës ‘Hasan Prishtina’ sot që po e promovojmë bashkë me këtë sallë të teatrit që ka ruajtur vlerat e veta që nga fillimi i themelimit, bashkë me bibliotekën, bashkë me sallën e vallëzimit për ansamblin, arkivën e qytetit dhe lokalet tjera përcjellëse qëndrojnë sot dhe do të qëndrojë përgjithmonë si dëshmi e besimit në ndryshim dhe si dëshmi e asaj që atë që e deshën qytetarët e Vushtrrisë që në këtë vend të vazhdojë të mbetet Shtëpia e Kulturës dhe jo banesat siç ishte planifikuar”.

Dje është inauguruar Qendra Kulturore ‘’Hasan Prishtina’’ në Vushtrri./21Media