Paralajmërohen erëra të forta, bëhet thirrje për kujdes

Instituti Hidrometeorologjik i Kosovës ka njoftuar se sot gjatë gjithë ditës priten reshje shiu me intensitet të lartë, erëra të forta dhe shkarkime rrufesh, si dhe një ulje e ndjeshme e temperaturave.

Duke pasur parasysh këto kushte, Komuna u ka bërë thirrje qytetarëve që të tregojnë kujdes të shtuar.

“Shmangni lëvizjet e panevojshme gjatë periudhave me mot të keq. Siguroni objektet e brishta apo të rrezikshme në oborret dhe ballkonet tuaja. Respektoni udhëzimet e autoriteteve për sigurinë dhe shëndetin tuaj”, thuhet në paralajmërimin e Komunës.