Performanca e Yllka Gashit në “Zgjoi”, në qendër të pretenduesve për “Oscar” 2022

Suksesi i filmit “Zgjoi” është një ndër arritjet më të mëdha të kinematografisë shqiptare.
“Zgjoi” i Blerta Bashollit, mori çmime të shumta ndërkombëtare, duke hyrë kështu edhe në listën e ngushtë të çmimeve “Oscars”.
Së fundmi, The Hollywood Reporter bëri një shkrim për pretendentët për nominim për “Oscar” 2022.
“Nuk ka asgjë si një Oscar për aktrimin më të mirë ndërkombëtar, por zgjedhja për çmimin Oscar për filmin më të mirë ndërkombëtar të këtij viti mund të përmendet si një garë midis veteranëve të aktrimit (Javier Bardem, Noomi Rapace, Dan Stevens) dhe të ardhurve (së pari italiani i Filippo Scotti dhe pastaj përparimi kosovar Yllka Gashi), performancat e së cilës janë në qendër të pretendenduesve për çmimet e vitit 2022”, thuhet në shkrimin e The Hollywood Reporter.
Kjo webfaqe konkretisht ka shkruajtur për aktoren, Yllka Gashi, roli i të cilës nuk la pa u shpërblyer.
“Gashi – e veja e luftës me fytyrë graniti po lufton për të krijuar biznesin e saj për të siguruar fëmijët e saj në Kosheret e hyrjes në Kosovë”, thuhet në shkrim.
8 janari përcakton filmat e nominuar për “Oscar 2022”, ndërkaq nata finale do të mbahet më 27 mars./21Media