Shtatë persona janë arrestuar sot nën dyshimin për lëndim të rëndë trupor në rrugën “Enver Maloku” në Fushë Kosovë. Lajmi është konfirmuar nga Policia e Kosovës.

“ Sot rreth orës 14:30, policia ka marrë informacionin se në rrugën “Enver Maloku” në Fushë Kosovë, ka pasur një përleshje në mes të disa personave. Menjëherë pas marrjes së këtij informacioni policia ka filluar ndërmarrjen e verimeve operativo-hetimore në përpjekje për të ndriçuar dhe sqaruar të gjitha rrethanat që kanë karakterizuar rastin.”, thuhet në njoftim.

Po ashtu është bërë e ditur se gjatë përleshjes janë përdorur mjete të forta.

“Nga përdorimi i tyre njëri nga personat ka marrë lëndime të rënda trupore ( frakturë në hundë) për çfarë të njëjtit i është ofruar ndihma mjekësore. Lidhur me këtë rast, i cili është cilësuar si lëndimi rëndë trupor, policia ka arrestuar shtatë persona të dyshuar, të cilët pas intervistimit me urdhër të prokurorit të shtetit është dërguar në qendrën e mbajtjes.”, përfundon njoftimi./21Media