Veturat janë dhënë me qëllim të lehtësimit të punës

Veturat janë dhënë me qëllim të lehtësimit të punës

Komuna e Mitrovicës i ka dhënë në shfrytëzim pesë vetura zyrtare për Policinë e Kosovës, për të menaxhuar situatën e krijuar nga Covid-19.

Në njoftimin e komunës së Mitrovicës bëhet e ditur se veturat i janë dhënë stacionit policor në Mitrovicë me qëllim të lehtësimit të punës në përcjelljen dhe monitorimin e gjendjes në teren.

Tutje, në komunikatë theksohet se PK po kryen një punë të shkëlqyeshme në menaxhimin e situatës në këtë periudhë të pandemisë.

“Edhe njëherë shpreh mirënjohjen time dhe në emër të qytetarëve për punën tuaj të suksesshme që po bëni dhe për bashkëpunimin e ndërsjellët, të cilët në këto ditë të pandemisë po punojnë edhe me orare të zgjatura për të garantuar sigurinë e qytetarëve”, citohet të ketë thënë kryetari i Komunës së Mitrovicës, Agim Bahtiri.