Janë arrestuar dy të dyshuar në Kamenicë, njëri kosovar dhe tjetri shtetas i Shqipërisë të cilët në një parcelë toke kishin mbjellë 540 bimë të dyshuara narkotike te madhësisë nga 20 deri 50cm.

Nga këto bimë janë marrë mostrat për analiza laboratorike dhe pas kësaj procedure janë asgjësuar me anë të procesit të djegies.

Nga njëri prej të dyshuarve është sekuestruar një veturë me targa vendore, kurse pas intervistimit dy të dyshuarit me vendim të prokurorit janë ndaluar për 48 orë.

Policia tha se rasti vazhdon të hetohet.