Policia e konfirmon arrestimin e Akil Gjakovës

Policia e Kosovës ka bërë të ditur se e ka arrestuar xhudistin kosovar, Akil Gjakova.

Të njëjtin të martën policia e kishte shpallur në kërkim s ii dyshuar për dhunë në familje.

“Pejë 13.04.2024, 13:30. Lidhur me rastin është arrestuar i dyshuari mashkull kosovar dhe i njëjti pas intervistimit me vendim të prokurorit është dërguar në mbajtje”, njofton Policia e Kosovës.

Siç ka njoftuar dje Federata e xhudos Gjakova kishte qenë jashtë shtetit për disa ditë.

”Ne besojmë në pafajësinë e Akilit dhe urojmë që organet e rendit të drejtësisë sa më parë të zbardhin rastin. Andaj, ftojmë mediat të tregojnë maturi në trajtimin e këtij rasti dhe të ndalojnë njollosjen dhe gjykimin publik të një nga figurave që vazhdon të promovoj imazhin pozitiv të vendit tonë. Akili momentalisht ndodhet jashtë territorit të Kosovës dhe do të dorëzohet menjëherë tek organet e rendit dhe të drejtësisë në momentin që do të arrijë në Kosovë”, thuhet në reagimin e Federatës./21Media