Një qytetar serb është lënduar

Një qytetar serb është lënduar

Sot në fshatin Poterq të Klinës rreth orës 11;00 është paraparë të mbahet shënimi i festes së komunitetit serb “SV TROJIC”, në këtë manifestim kanë marrë pjesë rreth 50 qytetarë të komunitetit serb.

Në shenjë proteste në vendin ku është paraparë të mbahet tubimi janë tubuar rreth 50-60 qytetarë shqiptarë dhe rreth 55 automjete të ndryshme, ka njoftuar policia në njoftimin e dërguar.

Policia e Kosovës duke u bazuar në planin e hartuar ka marrë të gjitha masat e nevojshme që qytetarëve tu mundësohet shënimi i festës se tyre.

“Gjatë ceremonisë rreth orës 13:08 nga protestuesit është lënduar një qytetar serb R.K.1995 me banim ne Serbi, i njëjti është dërguar me autoambulancë në spitalin rajonal në Pejë për trajtim mjekësor, sipas ekipit mjekësor gjendja e tij është stabile”, thuhet në njoftim.

Policia është duke zhvilluar hetime intensive për arrestimin e të dyshuarit i cili e ka lënduar qytetarin e lartë cekur.

Qytetarët serb të cilët pas përfundimit të festës rreth orës 13:50 janë shpërndarë në drejtim të qytetit të Pejës nën përcjellje të Policisë së Kosovës.

Pas përfundimit të festës se qytetarëve serb edhe protestuesit në mënyrë të qetë janë shpërndarë.

“Nga protestuesit është identifikuar një person L.B. serb 1965, si i dyshuar në masakrën e 29.03.1999 në fsh.Poterq, i njëjti është shoqëruar dhe gjendet ne objektet e Policisë s Kosovës për verifikim të mëtutjeshëm”, thuhet në njoftimin e policisë./21Media

Përfundon protesta në Poterq të Klinës