Djersitja është një fenomen biologjik që na bezdis por në fakt është arsyeja që ne vazhdojmë të ekzistojmë, përndryshe nxehtësia do të na kishte vrarë

Djersitja është një fenomen biologjik që na bezdis por në fakt është arsyeja që ne vazhdojmë të ekzistojmë, përndryshe nxehtësia do të na kishte vrarë

Ndërkohë që luftoni me djersën gjatë ditëve të nxehta të verës, mendoni që aftësia e lëkurës për të djersitur është ajo që na mban gjallë. Megjithatë, nëse jeni mbi 40 vjeç dhe vëreni që çarçafët janë qullur kur zgjoheni, ose pëllëmba e dorës është gjithmonë e djersitur, edhe kur nuk jeni në diell, mund të jeni duke vuajtur nga një gjendje e fshehtë shëndetësore. Mund të jeni duke hyrë edhe në fazën e perimenopauzës, duke qenë se gratë fillojnë të përjetojnë afshe të nxehta gjatë të 40-ave për shkak të ndryshimeve hormonale.

Këto ndryshime, që shkaktojnë djersitje gjatë natës, zakonisht zgjasin 4-8 vite. Megjithatë, jo të gjitha rastet e djersitjes gjatë natës lidhen me menopauzën apo temperaturat e larta. Ka edhe arsye të tjera përse gratë djersiten më shumë se zakonisht. Një nga këto 6 gjendje mund të shpjegojnë djersitjen e tepërt:

Ilaçet po ju shkaktojnë efekte anësore

Është një listë e gjatë ilaçesh që mund të shkaktojnë djersitje. Ilaçet për lehtësimin e dhimbjeve, të zemrës, tensionit të gjakut dhe ato kundër depresionit janë disa prej tyre që kanë djersitjen si efekt anësorë, dhe mjekët i shpesh i vënë në dijeni gratë mbi 40 vjeç për këtë. Sipas Qendrës Kombëtare për Statistikat Shëndetësore, 23% e grave në moshën ’40-50 vjeç përdorin ilaçe për depresionin, një përqindje kjo më e lartë se çdo grupmoshë tjetër si tek femrat ashtu edhe meshkujt. Dhe, 22% e të gjithë personave që marrin antidepresantë djersitin së tepërmi për shkak të këtyre ilaçeve.

Vuani nga diabeti

Niveli i ulët i sheqerit në gjak (hipoglicemia) është një nga shkaktarët më të zakonshëm të djersitjes. Jo të gjitha rastet me nivel më të ulët të sheqerit të gjakut do të thotë se vuajnë nga diabeti, megjithatë janë më të rrezikuar nga kjo sëmundje kur arrijnë në mes të 40-ave. Nëse nuk kryeni mjaftueshëm aktivitet fizik dhe keni fituar shumë peshë rreth belit, gjasat janë më të larta për zhvillimin e diabetit të tipit 2 – pa përmendur faktin se të qenët mbipeshë bën që njerëzit të djersinë më shumë.

Tiroidja është jashtë kontrollit

Hipertiroidizmi (ose një tiroide tepër aktive) përshpejton metabolizmin dhe mund të shkaktojë rënie në peshë, çrregullim të rrahjeve të zemrës dhe djersitje të tepërt. Çrregullimet e tiroides që nisin kur gratë janë rreth 40 vjeç mund të shkaktojnë simptoma të ngjashme me ato menopauzës, madje mund të përshpejtojnë edhe kalimin në fazën e menopauzës.

Keni ndonjë infeksion

Infeksionet mund të mos jenë të dukshme. Dikush mund të ketë turbekuloz dhe të mos e dijë. Kjo sëmundje mund të manifestohet edhe me djersitje. Edhe pse në raste të rralla, osteomieliti, një infeksion i kockave që prek vertebrën ose pjesën e legenit tek të rriturit, mund të shkaktojë gjithashtu djersitje të tepërt. Infeksionet bakteriale mund të shkaktojnë gjithashtu endokardititë, ose inflamacion të valvule të zemrës, dhe një nga simptomat e zakonshme të këtij problemi shëndetësor është edhe djersitja.

Keni probleme me gjumin

Çrregullimet e gjumit shkaktojnë gjithashtu djersitje të tepërt gjatë natës. Djersitja tepërt është një simptomë e zakonshme e apnesë së gjumit, që shkakton bllokim të rrugëve të frymëmarrjes kur flini. Kjo gjendje është më e zakonshme tek meshkujt sesa tek femrat, megjithatë rreziku për apnea të gjumit rritet më shumë ndërkohë që gratë po kalojnë në fazën e menopauzës.