Sipas nënkryetarit të komunës, Faruk Mujka kjo çështje i takon prokurorisë dhe policisë

Sipas nënkryetarit të komunës, Faruk Mujka kjo çështje i takon prokurorisë dhe policisë

Pas vdekjes së të riut nga Mitrovica nën gërmadhat e hotelit të shembur Adriatik nënkryetari i komunës, Faruk Mujka ka thënë se është themeluar një komision për verifikimin e gjendjes në terren.

Ky komision sipas nënkryetarit të komunës, do t`i dorëzojë një raport organeve të rendit.

Ne sot herët e kemi themeluar një komision nga zyrtarët e Drejtorisë se Urbanizmit, Inspeksionit dhe Emergjencave të cilët duhet ta verifikojnë gjendjen faktike në terren sot dhe pastaj të dalin me konkluzion se cilët hapa duhet të ndërmarr komuna e Mitrovicës, dhe pastaj ky raport do t`i përcillet edhe prokurorisë, policisë”, tha Mujka.

Sipas tij, objekti i shembur dje ku humbi jetën një punëtornën gërmadha, nuk ka pasur leje për të kryer kurrfarë punimesh brenda dhe jashtë tij.

Ne dje në mënyrë jozyrtare kemi marr vesh se punimet kanë filluar të dielën dhe të hënën gjatë ditëve të pushimit. Nuk ka asnjë kërkesë apo leje në Drejtorin e Urbanizmit. Ju e dini që pa marr parasysh a është pronë private apo jo, duhet të pajiset me leje. Asnjë kërkesë nuk ka as nga punëdhënësi as nga punëkryerësi tani kjo çështje i takon prokurorisë dhe policisë”, tha Mujka.

Dje nga shembja e një pjese të hotelit Adriatik humbi jetën Visar  Behrami 27 vjeçar nga Mitrovica. Kërkimet për gjetjen dhe nxjerrjen e turpit të tij zgjatën disa orë. Për këtë u angazhuan edhe pjesëtarët e Forcës së Sigurisë së Kosovës.

Kujtojmëse, varrimi i viktimës bëhet sot me ikindi më saktësisht në orën 16:25 në varrezat e fshatit Vdimiriq.

Lajmin e bëri të ditur një familjar i të ndjerit në rrjetet sociale.

Kurse, sot kryetari i Mitorivcës, Agim Bahtiri shpalli ditë zie, në shenjë nderimi dhe dhimbje për humbjen e jetës së të riut.