Rama për dinarin: Kosova ka të drejtë ta zbatojë Kushtetutën e saj

Kryeministri i Shqipërisë, Edi Rama, ka deklaruar se Qeveria e Kosovës duhet të angazhohet me aleatët kryesorë, por sipas tij, e drejtë e pamohueshme e Kosovës është zbatimi i Kushtetutës.

Ai ka shkruar në rrjetin social X se pas sulmit serb në Banjskë, thelbësore është ruajtja e fokusit dhe e ekuilibrit.

“Derisa të gjithë pajtohemi që Qeveria e Kosovës duhet të angazhohet, të koordinohet dhe të punojë më ngushtë me aleatët e saj kryesorë, le të mos e harrojmë gjithashtu të drejtën e pamohueshme të Kosovës për të zbatuar kushtetutën e saj. Pas Banjskës, është thelbësore të ruani fokusin dhe ndjenjën e ekuilibrit”, ka thënë Rama.

While we all agree that Kosova’s government should engage, coordinate, and work more closely with its key allies, let’s also not lose sight of Kosova’s undeniable right to enforce its constitution. After Banjska, it’s crucial to maintain focus and a sense of balance.

— Edi Rama (@ediramaal) February 5, 2024

Reagimi i kryeministrit Rama vjen pas kërkesave të bashkësisë ndërkombëtare ndaj Kosovës që të shtyjë zbatimin e vendit për ndalimin e qarkullimit të dinarit.