Gjykata Supreme e SHBA-së ka hedhur poshtë njëzëri një padi të ngritur nga Teksasi që kërkonte të rrëzojë rezultatin e zgjedhjeve presidenciale.

Të nëntë gjyqtarët në gjykatën më të lartë të Amerikës hodhën poshtë përpjekjen e gjatë për përmbysur numërimin e votave në katër shtete që presidenti aktual humbi: Georgia, Michigan, Pennsylvania dhe Wisconsin, raporton The Guardian, përcjell portali rtv21.tv

Padia e ngritur nga Ken Paxton, Prokurori i Përgjithshëm i Teksasit , kërkoi të bënte të pavlefshme rezultatet në katër shtete të luhatshme, duke kërkuar që gjykata të zgjasë afatin për çertifikimin e zgjedhjeve në mënyrë që të hetoheshin parregullsitë e pretenduara të votimit.

Ai u mbështet nga Donald Trump, 17 shtete të tjera dhe 126 Republikanë në Dhomën e Përfaqësuesve – më shumë se gjysma e grupit parlamentar.
Trump të premten ai shkroi në Twitter: “Nëse Gjykata e Lartë tregon Urtësi dhe Guxim të madh, Populli Amerikan do të fitojë ndoshta çështjen më të rëndësishme në histori dhe Procesi ynë Zgjedhor do të respektohet përsëri!”

Por disa orë më vonë, shpresat e tij për një mrekulli politike ishin shuar të gjitha. Gjykata supreme shkroi: “Mocioni i Shtetit të Teksasit për leje për të paraqitur një projekt-ankesë refuzohet për mungesë qëndrimi sipas Nenit III të Kushtetutës. Teksasi nuk ka demonstruar një interes të njohur nga pikëpamja gjyqësore për mënyrën në të cilën një shtet tjetër zhvillon zgjedhjet e tij. Të gjitha mocionet e tjera në pritje hidhen poshtë si diskutim. “/21Media