Ronaldo lojtari më i mirë i muajit shtator në Premier Ligë

Ylli portugez, Cristiano Ronaldo sot është zgjedhur lojtari më i mirë i muajit shtator në Premier Ligën angleze, pasi një starti të mrekullueshëm me Manchester United.
Ronaldo është zgjedhur lojtari më i mirë i muajit në Premier Ligë, çmim ky që është fituar pesë herë në karrierën e tij, kështu duke e barazuar rekordin e ish-bashkëlojtarit të tij te United Wayne Rooney.
I njëjti është rikthyer në “Old Trafford” nga gjigandi italian Juventus në fund të muajit gusht dhe që nga ajo kohë ka treguar paraqitje të mira me Man.United.
Portugezi ka shënuar dy gola në fitoren 4:1 të Manchester United kundër Newcastle, ku kjo ishte ndeshja e parë e tij me gjigandin anglez që nga viti 2009.
Përveç Ronaldos, në garë për çmimin e lojtarit të muajit shtator në Premier Ligë ishin edhe Joao Cancelo i Manchester Cityt, Antonio Rudiger, Allan Saint-Maximin, Mohamed Salah dhe Ismaila Sarr./21Media