Rrahen mes vete pas aksidentit të trafikut, arrestohen dy persona në Obiliq

Dy persona janë arrestuar në Obiliq nga Policia e Kosovës. Të dyshuarit pas aksidentit të trafikut janë përfshirë në konflikt fizik.

Sipas raportit 24-orësh të Policisë së Kosovës, një nga të dyshuarit është shtetas i Gjermanisë dhe një i Kosovës.

Me vendim të prokurorit, të dy të dyshuarit janë dërguar në mbajtje.

“Fsh. Milloshevë, Obiliq / 21.08.2025 – 12:00. Janë arrestuar dy të dyshuar meshkuj njëri shtetas i Kosovës dhe tjetri shtetas i Gjermanisë, pasi që kishin sulmuar njërin-tjetrin pas një aksidenti me vetura që kishin pasur mes vete. Me vendim të prokurorit të dyshuarit janë dërguar në mbajtje”, thuhet në raport.