Ruben Dias shpallet lojtari i vitit në Premier Ligën angleze

 

Mbrojtësi portugez gjatë tërë sezonit ka qenë i shkëlqyer në zemër të mbrojtjes së Manchester Cityt.

Ruben Dias është zgjedhur lojtari i vitit në Premier Ligën angleze, pas një sezoni të shkëlqyer me skuadrën e Manchester Cityt.

Sezoni 2020/21 ishte i pari në Premier Ligë për Dias, i cili u transferua nga skuadra e Benficas tek City për një shumë afro 68 milionë eurosh.

Brenda këtij sezoni, Dias ka arritur të bëjë 50 paraqitje në të gjitha garat për skuadrën e Pep Guardiolas, duke fituar Premier Ligën angleze dhe Kupën e Carabaos.