Policia ruse arrestoi sot dhjetëra protestues në të gjithë vendin në tubimet e organizuara nga aleatët e liderit të opozitës Alexei Navalny, për shkak të përkeqësimit të shëndetit të tij.

Mbështetësit e kritikut më të ashpër Vladimir Putin kanë frikë se Navalny mund të vdesë së shpejti dhe kërkojnë që t’i jepet kujdesi i duhur mjekësor.

Zyrtarët tregojnë se ai po trajtohet si çdo i burgosur tjetër dhe paralajmërojnë se tubimet e protestave janë të paligjshme.

OVD-Info, një organizatë që monitoron protestat dhe numrin e të arrestuarve, njoftoi se 199 vetë u arrestuan në lidhje me tubimet e protestave në dhjetëra vende në të gjithë vendin, ndërkohë që numri mund të rritet.

Zëdhënësja e Navalny Kira Jarmis dhe një bashkëpunëtori i ngushtë Lubov Sobol u arrestuan pranë shtëpive të tyre në Moskë disa orë para se të fillonte një tubim proteste pranë Kremlinit.

Dhjetëra furgonë policie u dërguan në qendër të qytetit. Sheshi ku aktivistët planifikuan të mblidhen është i rrethuar nga barriera metalike, ashtu si Sheshi i Kuq, njoftoi kanali televiziv Rain.

Aleatët e Navalny thanë se ata së pari do të mblidheshin në dy vendet e tjera në qendër të Moskës.

Në Lindjen e Largët të Rusisë, 200 deri në 300 njerëz u mblodhën në Vladivostok në mbështetje të Navalny, dhe disa prej tyre mbanin pankarta “Liri për të burgosurit politikë” dhe “Jo luftës, shtypjes dhe torturës”.

Presidenti i Këshillit Evropian Charles Michel tha se ishte “për të ardhur keq” që bashkëpunëtorët më të ngushtë të Navalny ishin sjellë para protestave.

Bashkëpunëtori i Navalny, Ruslan Shavedinov shkroi në Twitter, se “në të gjithë Rusinë, protestuesit e mundshëm po arrestohen, dhe se kjo është shtypje dhe nuk mund të pranohet – ne duhet ta luftojmë këtë errësirë.”

Navalny u arrestua në janar kur u kthye në Rusi pas një shërimi pesë-mujor në Gjermani nga helmimi, për të cilin ai personalisht fajësoi presidentin rus.

Kreu i opozitës ruse u dënua me dy vjet e gjysmë burg për mashtrim në vitin 2014, por pretendon se çështja është e motivuar politikisht.

Tri javë më parë, ai hyri në një grevë urie duke akuzuar autoritetet e burgut se nuk lejuan të vizitohej nga një mjek dhe se ai ka një disk të dyfishtë hernie dhe ka humbur ndjesitë në krahët dhe këmbët.

Navalny ka qenë në një spital për të burgosurit në qytetin Vladimir në verilindje të Moskës që nga e diela në mbrëmje.

“Ai është shumë i dobët, ka vështirësi të ulet dhe të flasë,” u tha avokatja e tij, Olga Mihailova gazetarëve të martën, duke pretenduar se ai “nuk po merrte kujdes të duhur mjekësor”.

Mihailova kërkoi që Navalny të transferohej menjëherë në një “spital civil” në Moskë “në mënyrë që ai të mos vdiste”.