Rusia ndryshon emrin e rrugës ku gjendet Ambasada e SHBA-së në Moskë

Rusia e ka ndryshuar emrin e rrugës në zonën ku gjendet Ambasada e Shteteve të Bashkuara të Amerikës në Moskë. Rruga do të quhet “Republika Popullore e Donetskut”.
Bashkisa e Moskës njoftoi se adresa e re është ndryshuar me emrin e republikës separatiste pro-ruse në Ukrainën lindore.

“Ambasada e SHBA-së në Rusi ka një adresë të re zyrtare”, thuhet në deklaratë. “Tani misioni diplomatik ndodhet në adresën e mëposhtme: Federata Ruse, qyteti i Moskës, territori i brendshëm i rrethit komunal Presnensky, sheshi i Republikës Popullore të Donetskut, ndërtesa 1, ndërtesat 1-9”.
Adresa e re u zgjodh pas rezultateve të një votimi publik me afro 280 mijë pjesëmarrës, sipas Bashkisë.
Në maj, këshilltarët e Moskës propozuan të riemërtohej një nga rrugët e Moskës për nder të “mbrojtësve të Donbasit”.
Adresa e mëparshme e ambasadës ishte 8 Bolshoi Devyatinsky Lane./21Media
Back to top button