Rusia nuk pranon të qartësojë kufijtë e territoreve që pretendon se i ka aneksuar

Moska u përmbajt nga dhënia e një përgjigje konkrete kur u pyet se si duhet të përcaktohen kufijtë e rajoneve Kherson dhe Zaporizhzhia sipas aneksimeve të paligjshme të pretenduara rishtazi nga Kremlini.

Zëdhënësi i Kremlinit, Dmitry Peskov tha se “disa territore ka ende për t’u kthyer”, pas përparimeve të shpejta nga forcat ukrainase në jug.

Kur u pyet nga CNN se si do të interpretonte gjuhën e ligjeve të nënshkruara nga Putin të mërkurën më herët, të cilat i referohen kufijve të rajoneve Kherson dhe Zaporizhzhia si “territori që ekzistonte në ditën e miratimit të tij në Federatën Ruse”, Peskov tha: “Këtë pyetje do ta lë pa përgjigje”.

I pyetur nëse ai mund të japë ndonjë koment për një kuptim më të mirë, Peskov tha: “Duhet ta lexoni dekretin, aty ka një formulim ligjor. Në përgjithësi, natyrisht, ne po flasim për territorin në të cilin ushtria – administrata civile funksiononte në kohën e miratimit të saj (si pjesë e Federatës Ruse).

I pyetur sërish nëse ky duhet të lexohet si territori i pushtuar nga trupat ruse më 30 shtator, Peskov tha: “Duhet t’i përmbaheni asaj që shkruhet në dekret. Por e përsëris edhe një herë: ekzistojnë territore të caktuara. ende për t’u kthyer dhe ne vazhdojmë të konsultohemi me ato popullsi që do të shprehin dëshirën për të jetuar me Rusinë”.

I pyetur edhe një herë nga CNN nëse do të kërkohej ndonjë ligj shtesë për t’i përfshirë ato zona në Federatën Ruse, ose nëse ato do të përfshiheshin automatikisht si pjesë e rajoneve sipas ligjeve të nënshkruara, nëse dhe kur ato “kthehen”, Peskov th: “Për momentin, nuk kam asgjë për të shtuar”.

Presidenti rus Vladimir Putin nënshkroi të mërkurën në ligj dokumentet për aneksimin e paligjshëm të katër rajoneve të Ukrainës, duke përfunduar hapin e fundit të procesit të aneksimit, bazuar në sistemin ligjor rus. Aneksimi është i paligjshëm sipas ligjit ndërkombëtar.

Lëvizja e Putinit vjen ndërsa forcat ukrainase vazhdojnë të bëjnë përpjekje përpara me përfitime territoriale në jug dhe lindje, duke përfshirë rajonet që Rusia pretendon se po anekson ./21Media

Artikuj të ngjashëm

Shikoni Gjithashtu
Close
Back to top button