​Rusia urdhëroi tërheqjen e trupave nga Kherson

Ministri rus i Mbrojtjes Sergei Shoigu urdhëroi të mërkurën forcat e tij, të përballura me sulmet ukrainase pranë qytetit jugor të Ukrainës, Kherson, të tërhiqen nga bregu perëndimor i lumit Dnieper.
Njoftimi i ministrit rus do të përfaqësonte një nga tërheqjet më të rëndësishme ruse dhe një pikë kthese të mundshme në luftën që ka vazhduar për gati nëntë muaj.
Gjenerali rus Sergei Surovikin tha në një deklaratë për televizionin rus se nuk është më e mundur të furnizohet Kherson. Ai shtoi se propozoi vendosjen e linjave mbrojtëse në bregun lindor të lumit Dnieper.
Vendimi i Rusisë vjen pas javëve të avancimeve të Ukrainës në qytet dhe përpjekjeve të Rusisë për të evakuuar më shumë se 100.000 banorët e Kherson.
Disa javë më parë, forcat ukrainase nisën një ofensivë për të çliruar Kherson, e vetmja qendër provinciale ukrainase e pushtuar nga forcat ruse pas fillimit të pushtimit të Ukrainës në shkurt.
Zona përreth Kherson është i vetmi territor nën kontrollin rus në bregun perëndimor të Dnieper.