Seanca e radhës e ish-presidentit të Kosovës, Hashim Thaçi, në Gjykatën Speciale në Hagë do të jetë më 18 nëntor.

Kështu është bërë e ditur nga Dhomat e Specializuara, ku në kalendarin e tyre, e kanë caktuar 18 nëntorin si datë për konferencën për ecurinë e çështjes.

Senanca do të fillojë nga ora 11:00.

Ndryshe, Thaçi u paraqit para gjykatësit dhe prokurorëve të Speciales dy ditë më parë.  Ndaj tij rëndojnë akuza për krime lufte.