Sekretari i Përgjithshëm i OKB-së bën thirrje për armëpushim në Javën e Shenjtë

Sekretari i Përgjithshëm i Kombeve të Bashkuara, Antonio Guterres dënoi ofensivën ruse në Ukrainën lindore dhe bëri thirrje për një armëpushim katër-ditor për të shënuar Javën e Shenjtë të kishës ortodokse.

“Në vend të festimit të jetës së re, kjo Pashkë përkon me një ofensivë ruse në Ukrainën lindore. Përqendrimi intensiv i forcave dhe fuqisë së zjarrit e bën këtë betejë në mënyrë të pashmangshme më të dhunshme, të përgjakshme dhe shkatërruese.”, tha ai,

Guterres bëri thirrje për një “pauzë humanitare” nga e enjtja e shenjtë e ardhshme deri të dielën e Pashkëve, më 24 prill, për të lejuar hapjen e një sërë korridoresh humanitare, shkruan BBC, përcjell rtv21.tv

Ai tha se Kombet e Bashkuara janë gati të dërgojnë karvane ndihmë humanitare për njerëzit në zonat më të goditura si Mariupol, Kherson, Donetsk dhe Luhansk nga e enjtja deri të dielën./21Media