Stafi diplomatik amerikan ka lënë konsullatën e tyre në qytetin kinez Chengdu, pas skadimit të një afati 72-orësh.

Kina urdhëroi mbylljen e kësaj konsullate si përgjigje pasi SHBA kërkoi mbylljen e konsullatës kineze në Houston, javën e kaluar.

Para afatit të së hënës, personeli u pa duke dalë nga ndërtesa, u hoq një pllakë dhe u ul një flamur amerikan, transmeton rtv21.tv.

Ndërsa u mbyll konsullata e SHBA-ve, turma të banorëve vendas u mblodhën jashtë, me shumë flamuj kinezë duke shkrepur fotografi.

Pekini urdhëroi mbylljen në përgjigje të mbylljes së konsullatës kineze në Houston – mbi pretendimet se ishte përdorur si një qendër për spiunim.

Tensionet janë përshkallëzuar midis dy vendeve për një numër çështjesh:

-Administrata e Presidentit amerikan Donald Trump është përleshur në mënyrë të përsëritur me Pekinin mbi tregtinë dhe pandeminë koronavirus

-Uashingtoni ka dënuar gjithashtu imponimin nga Kina për një ligj të ri të diskutueshëm të sigurisë në Hong Kong

-Javën e kaluar, një burrë nga Singapori pranoi fajësinë në një gjykatë amerikane që punonte si agjent i Kinës

-Gjithashtu javën e kaluar, katër shtetas kinezë u akuzuan në një rast të veçantë me mashtrim të vizave amerikane për gjoja gënjeshtra për të shërbyer në ushtrinë e Kinës./21Media