Një shpërthim tritoli ka tronditur lagjen “Hajro Çakërri” në qytetin e Vlorës në Shqipëri në orët e para të mëngjesit të sotëm.

Sipas asaj që njofton Policia, në orën 03.16 në pjesën e jashtme të banesës së shtetasit Xh.B., 69 vjeç, ka shpërthyer një sasi e vogël lëndë plasëse.

Raportohen vetëm dëme materiale, ndërsa nuk dihet ende shkaqet e ngjarjes.

“Më datë 30.10.2020, rreth orës 03:16, në lagjen Hajro Çakërri, Vlorë, në pjesën e jashtme të banesës së shtetasit Xh.B., 69 vjeç, ka shpërthyer një sasi e vogël lëndë plasëse, ku si pasojë ka vetëm dëme të vogla materiale. Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit”, ka njoftuar policia.