Shpëtohen 16 fëmijë që u abuzuan seksualisht në Filipine

16 fëmijë që dyshohet se janë abuzuar në Filipine, janë shpëtuar pasi policia australiane gjeti material seksualisht të qartë në telefonin e një burri të arrestuar në Sidney.

Fëmijët, të moshës 10 deri në 18 vjeç, u gjetën muajin e kaluar kur Policia Kombëtare e Filipineve (PNP) ekzekutoi kontrolle të shumta në katër lokacione në zonën e Metro Manila dhe një provincë në Filipinet Veriore.

Hetimi filloi në janar kur Forcat Kufitare Australiane (ABF)përgjuan një burrë nga Queensland, 56-vjeç, teksa ai kthehej në Sydney nga Filipinet, raporton CNN, përcjell rtv21.tv.

Pas kërkimit në telefonin e tij, ABF gjeti materiale të abuzimit me fëmijët dhe mesazhe që përshkruanin qëllimin e tij për të paguar një organizator që do t’i mundësonte atij të abuzonte seksualisht me fëmijët në Filipine.

Burri u akuzua për tre vepra, duke përfshirë kujdesin dhe posedimin e materialeve të abuzimit të fëmijëve, të cilat mbartin një dënim maksimal prej 15 vjetësh burg.

Megjithatë, i dyshuari nuk mori pjesë në një paraqitje të caktuar në gjykatë më 30 maj dhe një urdhër arresti është lëshuar për të.

Fëmijët janë vendosur nën kujdesin e Departamentit të Mirëqenies Sociale dhe Zhvillimit të Filipineve dhe hetuesit janë ende duke u përpjekur për të gjetur viktima të tjera të dyshuara.

Që nga 29 qershori, 611 viktima janë shpëtuar nga abuzimi me fëmijët dhe 127 organizator të këtyre veprave janë arrestuar që nga themelimi i Qendrës Filipine për Krimet e Internetit kundër Fëmijëve (PICACC), një përpjekje e përbashkët midis Filipineve, Australisë, Mbretërisë së Bashkuar dhe Holandës, në vitin 2019. /21Media