Turisti britanik Jacob Roberts, që ra në një pus katër metra të thellë në Bali, është shpëtuar nga njësitë e shpëtimit.

29-vjeçari, sipas Metro, kishte gjashtë ditë që kishte humbur çdo kontakt me njerëzit dhe qëndronte në pusin e boshatisur. Raportohet se ai është parë nga një grua, e cila njoftoi autoritetet.

Jacob ishte ndjekur nga një qen dhe për t’i shpëtuar një kafshimi të mundshëm, ishte hedhur në pus, ku si pasojë kishte thyer dhe këmbën.

Megjithëse ai ka disa ditë pa konsumuar asgjë, gjendja e tij shëndetësore pritet të rikuperohet shumë shpejt.