Përmes këtij donacioni është ndërruar inventari i vjetër

Përmes këtij donacioni është ndërruar inventari i vjetër

Këtë paradite është përuruar Shtëpia e Pleqve në Prishtinë, pasi që ka përfituar një donacion prej 20 mijë euro nga NLB Banka, përmes së cilit janë përmirësuar kushtet e banimit aty.

Përmes këtij donacioni është ndërruar inventari i vjetër aty me ç’rast janë blerë 70 krevatë, dyshekë, sirtarë, dollapë, perde, mobile, shporet, televizorë, si dhe janë përmirësuar shumë pjesë tjera të shtëpisë.

Me këtë rast, drejtoresha e kësaj Shtëpie, Razë Aliqkaj, vlerësoi lartë kontributin e NLB bankës, duke thënë se në këtë mënyrë janë krijuar mundësi më të mira për rezidentët. Ajo tha se përmes këtij donacioni do të ngritët edhe cilësia e shërbimeve dhe mirëqenia e të moshuarve aty.

Ajo tha se përkundër asaj se kjo shtëpi ka 63 persona, NLB Banka përmes donacionit për ta ka mundësuar që të krijohen kushte të volitshme edhe për 7 rezidentë të tjerë.