Sindroma Angelman është një gjenetikë çrregullimi neurologjik që ndikon në sistemin nervor dhe shkakton paaftësi të rëndë fizike dhe intelektuale. Njerëzit që vuajnë nga kjo sindromë mund të kenë një jetëgjatësi normale, megjithatë ata kanë nevojë për kujdes të veçantë.

Në programin e mëngjesit “Për Ditë të Mbarë” në RTV21, psikologu Ilir Havolli, tregoi se simptomat e para të kësaj sindrome shfaqen në moshën 6-12 muaj te fëmija dhe karakterizohet me vonesa në zhvillimin e fëmijës, shembull kur fëmija nuk mund të zvarritet.

Po ashtu, 1 në 15 mijë deri në 24 mijë, është ekuivalenca që një fëmijë të diagnostikohet me këtë sindromë.

Havolli shtoi tutje se kjo vije si shkak kur një person duhet të ketë kromozom si nga nëna ashtu edhe nga babai, gjene të cilat duhet të jenë aktive në tru, por që në këtë rast nuk janë.

Identifikimi si fillim bëhet nga prindërit, pastaj bëhen diagnostikimet e mëtutjeshme nga mjekë apo profesionistë të fushave të tjera, si shembull ata të shëndetit mendor.

Sipas psikologut, 70% e rasteve janë kur gjeni është prezent nga të dy prindërit, por është i fshehur, raste të tjera janë kur gjeni ka pësuar mutacion apo ndryshim te individi, rast tjetër kur gjeni i transmetuar nga nëna vepron si gjen aktiv edhe nga babai.

Sipas studimeve, mundësia që ky sindrom të trashëgohet janë të pranishme, por mësohet se kur një person ka një gjen të tillë aktiv brenda familjes, persona të tjerë nuk mund ta kenë.

Tutje, Havolli shtoi se shpesh herë ndodh që këta persona si fillim të diagnostikohen me autizëm pasi që simptomat janë pothuajse të ngjashme ose edhe me çrregullime të hiperaktivitetit për shkak se te këta individ ekziston anomali apo çrregullim si dhe hiperaktivitet. Por, kjo mund të dallohet për shkak se personat autik i përkasin një bote introverte për dallim që këta me sindromën Angelman shfaqin shumë dashuri dhe buzëqeshje./21Media