Stuhia mbëmë në qyetetin e Gjilanit ka shkaktuar dëme, si: thyerje të drunjëve, demtim te veturave, vërshime të bodrumeve në lagjen Arbëria dhe ndërprerje të energjisë në lokacione të ndryshme.

Komuna ka njoftuar se njësitet profesionale të zjarrëfikësve dhe shpëtimit kanë intervenuar menjëherë në largimin e drunjëve të rrëzuar në rrugë, gjithashtu kanë intervenuar edhe në largimin e veturave të bllokuara nga stuhia e shiut.

“Ata kane intervenuar edhe në largimin e drunjëve të cilët kanë dëmtuar shtyllat elektrike në rrugën e Malishevës, ku me këtë rast për shkaqe të stuhisë dhe reshjeve të shiut disa vendbanime te Komunes se Gjilanit ishin pa energji elektrike në një interval kohor prej rreth tri orësh. Është bërë edhe largimi i zhavorit nga rruga, i cili është bartur nga shiu i rrëmbyeshëm dhe kjo u bë së bashku me operatorët privat, duke bërë që gjendja të kthehet menjëherë në normalitet.”, ka bërë të ditur komuna përmes facebook-ut.

Po ashtu, gjatë gjithë kohës, siç është cekur në njoftim, është dhënë mbështetje edhe nga Policia e Kosovës duke bërë kështu drejtimin e veturave, derisa zjarrëfikësit dhe ekipet e shpëtimit kryenin punën e tyre./21Media