Sunak: Mendimet e mia janë me të plagosurit dhe të dashurit e atyre që kanë humbur jetën
(lajm i përditësuar)
Sunak: Mendimet e mia janë me të plagosurit dhe të dashurit e atyre që kanë humbur jetën
Kryeministri britanik Rishi Sunak ka reaguar pas sulmit, duke e quajtur tronditës. Sunak tha se mendimet e tij janë me të plagosurit, me familjen dhe të dashurit e atyre që kanë humbur jetën.
“Dua të falënderoj policinë dhe shërbimet e urgjencës për reagimin e tyre të vazhdueshëm ndaj incidentit tronditës në Nottingham këtë mëngjes. Unë jam duke u përditësuar për zhvillimet. Policisë duhet t’i jepet kohë për të ndërmarrë punën e saj. Mendimet e mia janë me të plagosurit, me familjen dhe të dashurit e atyre që kanë humbur jetën”, shkroi Sunak në Twitter.
Angli: Sulm me furgon, tre njerëz goditen për vdekje
Një 31-vjeçar është arrestuar në Nottingham të Anglisë, pasi dyshohet se ka goditur për vdekje tre persona, në dy lokacione të ndryshme.
Nga sulmi i tij po ashtu kanë mbetur të lënduar tre persona të tjerë.
I njëjti ka kryer sulmin rreth orës 4 të mëngjesit, fillimisht duke goditur me furgonin e tij dy persona, e më pas duke goditur edhe një tjetër në një rrugë afër, raporton BBC, përcjell rtv21.tv.
Ai për momentin po mbahet në paraburgim. /21Media