Poezi nga libri “Rigjetja e vetes” nga Milazim Krasniqi

Poezi nga libri “Rigjetja e vetes” nga Milazim Krasniqi

Pasi të ketë ikur
Siç kanë ikur edhe të tjerët
Të injoruar të harruar në heshtje
Do t’ia shfletojnë dorëshkrimet
Si hetuesit në filma
Duke kërleshur vetullat
Duke picërruar sytë
Duke pyetur me zë plot habi
Po të tjerët ku janë
Të tjera a kishte mor’

Ata nuk kanë si ta kuptojnë
Se ato të tjerat dhe të fshehtat
Poeti i merr me vete
Sepse fjalët më të mira duhet t’i ruajë
Për ditën e Gjykimit

28 korrik 1997