Treni godet veturën në Prishtinë, një person i lënduar

Një person ka mbetur i lënduar nga një aksident, ku treni ka goditur veturën në rrugën “Berati” në Prishtinë.
Lajmin për portalin rtv21.tv e ka konfirmuar zëdhënësja e Policisë për rajonin e Prishtinës.
“Sot rreth orës 07:30 kemi pranuar informatën për një aksident trafiku në rrugën “Berati” në Prishtinë.
Në këtë aksident ka qenë i përfshirë një tren dhe një automjet. Si pasojë e aksidentit lëndime trupore ka pësuar një person”, ka thënë Ahmeti.
Personi i lënduar është dërguar për tretman mjekësor, ndërkohë që me rastin po merret Njësiti i Trafikut Rrugor.
Portali rtv21.tv ka siguruar pamje nga vendi i ngjarjes./21Media