Trumpi thotë se lufta me Iranin është pranë përfundimit

Presidenti amerikan, Donald Trump, ka shfrytëzuar një fjalim drejtuar kombit të mërkurën në mbrëmje, për të shpallur luftën njëmujore në Iran një sukses “pranë përfundimit”, pavarësisht një konflikti në spirale që ka shkaktuar trazira ekonomike në të gjithë globin dhe ka përçarë aleancat transatlantike.

Por ai ka shtuar se SHBA-ja do ta godasë Iranin “jashtëzakonisht fort”.

Në komentet nga Shtëpia e Bardhë, Trumpi ka argumentuar se “udhëtimi i vogël” i SHBA-së drejt Iranit kishte arritur pothuajse “të gjitha objektivat ushtarake të Amerikës”, por ofroi pak qartësi se si planifikonte ta qetësonte konfliktin gjatë “dy deri në tre javët” e ardhshme.

“Jemi në prag të përfundimit të kërcënimit të kobshëm të Iranit për Amerikën dhe botën”, ka thënë Trumpi në fjalimin 19-minutësh, të mbajtur nga Cross Hall i Shtëpisë së Bardhë.

“Ne i kemi të gjitha kartat. Ata nuk kanë asnjë”, është shprehur ai.