Turbullohen rezervuarët e ujërave, IKSHPK rekomandon vlimin e ujit

Instituti Kombëtar i Shëndetësisë Publike të Kosovës (IKSHPK), ka njoftuar se për shkak të vërshimeve në shumë rajone të Kosovës janë turbulluar rezervuaret e ujit të pijshëm.
“Aktualisht, si rezultat i reshjeve të shtuara ditëve të fundit, prurjeve të mëdha nga zonat fushore dhe shkarkim i i ujërave drenuese, në shumicën e resurse ujore si pasojë është vërejtur ngritje e vlerave të turbullirës”, njofton IKSHPK.
Njoftimi i plotë:
Si rezultat i reshjeve të shtuara ditëve të fundit, prurjeve të mëdha nga zonat fushore dhe shkarkim i i ujërave drenuese, në shumicën e resurse ujore si pasojë është vërejtur ngritje e vlerave të turbullirës.
Vlera të shtuara të turbullirës, më shumë se 100 NT, janë regjistruar në disa burime dhe si pasojë ka vështirësi në trajtim të ujit në zonat:
KRU “Prishtina”- Rajoni Prishtinë: fabrika në Shkabaj dhe fabrika në Drenas.
KRU “Mitrovica”- Rajoni Mitrovicë: fabirka nw Shipolit- Mitrovicë dhe fabrika në Balice- Vushtrrisë
KRU “Hidrodrini”- Rajoni i Pejës: burimin Drini I Bardhe –Radavc dhe burimi Shkoze-Junik
KRU “Gjakovë”- Rajoni i Gjakovës: burimi në Demjan dhe Gërqinë.
KRU “Bifurkacioni”- Rajoni Ferizaj: fabrika në Pleshinë dhe sistemi në Kaçanik
Në mostrat e grumbulluara deri sot nga rajonet me të rreshura të shtuara, analiza laboratorike fiziko-kimike rezultojnë me vlerë të ngritur të turbullirës cila i tejkalon vlerat standarde të lejuara.
Mostrat për ekzaminim bakteriologjik deri më sot rezultojnë brenda standardeve të parapara.
Uji në rrjetet shpërndarëse nga këto sisteme për shkak të vlerave të shtuara të turbullirës nuk është brenda standardit të paraparë.
Rekomandohen konsumatoret që uji para përdorimit të vlohet si masë e sigurisë bakteriologjike e zbatueshme në situata me turbullireë të shtuar në resurse
Ekipet tona në teren vazhdojnë me monitorim të rregullt.