Turqia dënon sulmin në veri

(Lajm i përditësuar)

Turqia dënon sulmin në veri

Ministria e Punëve të Jashtme të Turqisë, ka dënuar sulmin e të dielës në veri të Kosovës, ku si pasojë ka vdekur rreshteri policor Afrim Bunjaku, ndërsa janë lënduar tre policë tjerë.

Ministria e Jashtme e Kroacisë: Autorët të sillen urgjentisht para drejtësisë

Sulmin ndaj Policisë së Kosovës ku mbeti i vrarë një zyrtar policor e ka dënuar edhe Ministria e Jashtme e Kroacisë.

Ata kanë dërguar ngushëllimet më të përzemërta familjes së policit të vrarë.

“Dënojmë fuqishëm sulmin e dhunshëm ndaj policisë së Kosovës herët në mëngjes. Ngushëllimet tona të përzemërta familjes së policit të vrarë gjatë kryerjes së detyrës dhe shërim të shpejtë për zyrtarin e plagosur. Autorët duhet të sillen urgjentisht para drejtësisë”, ka shkruar ministria e Jashtme e Kroacisë në Twitter.

Ministrja e Jashtme e Holandës: Shumë e shqetësuar me zhvillimet në veri

Ministrja e Jashtme e Holandës, Hanke Bruins Slot, ka shprehur shqetësimet për hvillimet e fundit në veri të Kosovës.

Bruins Slot ka thënë se BE-ja dhe shtetet anëtare vazhdimisht u bëjnë thirrje dyja palëve për deeskalim të situatës.

Ministria e Jashtme e Gjermanisë ka dënuar vrasjen e sotme të policit të Kosovës në pjesën veriore.

“Dënojmë me termat më të ashpër sulmin e tmerrshëm ndaj Policisë së Kosovës. Mendimet tona janë me familjen e oficerit të vrarë dhe të plagosurit rëndë. Grupet e armatosura të paligjshme duhet të ndalojnë rrezikimin e jetëve. Autorët duhet të mbajnë përgjegjësi. Manuel Sarrazin udhëton për në Kosovë sot”, ka njoftuar ministria e Jashtme gjermane.

Vrasja e tij ka ardhur nga një grup i armatosur e i maskuar kriminal, që dyshohet të jenë serbë, sipas kryeministrit Albin Kurti./21Media