Sa diamante mund të futen në një unazë të vetme? Përgjigja, sipas librit të ri të Rekordeve Botërore Guinness, është 12 mijë e 638.

Harshit Bansal, themeluesi i Renani Jewels në Meerut të Indisë, vendosi rekordin me dizajnin e tij mbresëlënës, transmeton rtv21.tv.

Unaza, e quajtur Marigold, ose “Unaza e prosperitetit”, ka një brez rrethor me një dizajn të lules e kompletuar me mijëra diamante natyrore 38,08 karat, sipas Guinness. Unaza peshon pak më shumë se 165 gram.

Rekordi i mëparshëm kishte 7 mijë e 801 diamante në një unazë.

Bansal i tha Guinness se ai u frymëzua për herë të parë për të thyer rekordin e mbushur me diamante në vitin 2018, ndërsa studionte dizajnin e bizhuterive në Surat, Indi. Dy vjet më vonë, kompania e tij përfundoi modelin e unazës më 30 nëntor 2020./21Media