United e konfirmon, ndeshja kundër Burnleyt luhet me kapacitet të reduktuar të ulëseve

Ndeshja e Manchester United në Carabao Cup me Burnleyn do të luhet me një kapacitet të reduktuar të ulëseve të stadiumit, pas këshillave nga autoritetet e sigurisë.
“Djajtë e Kuq” e presin liderin e Championship në “Old Trafford” për ndeshjen e fazës eliminatore të turneut të mërkurën, me trajnerin e Burnleyt dhe ish-kapitenin e Manchester Cityt, Vincent Kompany, duke u kthyer në shtëpinë e ish-rivalëve të tij.
Ndeshja përkon me një ditë aksioni industrial që prek Shërbimin e Ambulancës Veri-Perëndimore, duke kulmuar në mungesën e personelit të shërbimit të ambulancës.
Me kërkesë të autoriteteve, nivelet në tribunën perëndimore dhe atë veriore kërkohet të mbyllen si pjesë e një plani mjekësor “të fuqishëm”, i cili do të lejojë rreth 62,000 tifozë të jenë të pranishëm, me “Old Trafford” që zakonisht mund të mbajë rreth 74,000 tifozë.
“Të gjithë në Manchester United ndajnë zhgënjimin e pashmangshëm të shkaktuar nga ky lajm, veçanërisht për ata mbajtës të biletave që do të ndikohen”, thuhet në një deklaratë në faqen zyrtare të klubit.
“Megjithatë, siguria e tifozëve tanë është gjithmonë prioriteti ynë. Meqenëse biletat e ndeshjes janë shitur aktualisht, ne u kemi shkruar tifozëve në zonat e prekura duke ofruar mundësinë e rimbursimit të plotë.
Asnjë veprim nuk kërkohet nga tifozët me bileta në zona të tjera të terrenit në këtë moment. Ne do të bëjmë çmos për të zhvendosur këdo që është prekur dhe nuk ka zgjedhur të pranojë një rimbursim, duke i dhënë përparësi mbajtësve të biletave sezonale dhe të atyre të kupave”, shkruante më tej në komunikatën e United.