Sonte rreth orës 19:45 ka vdekur një 70-vjeçar në “Lagjen e Re” në Komoran, kjo vdekje nga Policia e Kosovës po trajtohet si vdekje e dyshimtë.

Për portalin rtv21.tv lajmin e  ka konfirmuar zëdhënësi i Policisë së Kosovës, Agron Borovci. Ai ka treguar se policia ka dalë në vendin e ngjarjes me synim sqarimin e rrethanave të rastit.

“Rreth orës 19:45 është raportuar për një rast të vdekjes së dyshimtë të ndodhur në “Lagjen e Re” në Komoran . Me të marrë informatën policia ka dalë në vendin e ngjarjes duke filluar menjëherë me ndërmarrjen e veprimeve hetimore me synim sqarimin e rrethanave të rastit. Mbështetur në të dhënat fillestare të këqyrjes së vendit të ngjarjes përkundër që ka elemente që sugjerojnë për një vetëvrasje të mundshme, policia me kujdes të shtuar po heton rastin si vdekje të dyshimtë dhe po ndërmerr të gjitha veprimet e duhura hetimore dhe ato forenzike – te ekzaminimit që do ti ndihmonin hetimit të ngjarjes dhe sqarimit e ndriçimit të plotë të rastit. Trupi i pajete është i një mashkulli rreth 70 vjeç“, ka thënë Borovci./21Media