Vuçiq e hedh fjalën se është gati të largohet nga kreu i partisë

 
Presidenti serb dhe lideri i SNS-së, Aleksandar Vuçiq u ka thënë bashkëpunëtorëve të tij se është gati të pensionohet.
23:18 (22 janar)
Vuçiq mban një mbledhje me rrethin e ngushtë, e hedh fjalën se është gati të largohet nga kreu i partisë
Kryetar i Komitetit Ekzekutiv të partisë në pushtet në Serbi, Darko Glishiq ka thënë se “Aleksandër Vuçiq është i gatshëm të dorëhiqet nga posti i kryetarit të Partisë Progresiste të Serbisë”.
Ai ka treguar se në selinë e kësaj partie është mbajtur një mbledhje në lidhje me situatën në Kosovë.
E aty Vuçiq ka thënë se është i gatshëm ta lëshojë atë post. Por sipas Glishiq “kjo mund të jetë fundi i kësaj partie në skenën politike në Serbi”.
“Nëse presidenti Vuçiq qëndron në këmbë dhe jep dorëheqjen, mendoj se ky është fundi i SNS-së, fundi i karrierës që SNS pati në skenën politike të Serbisë dhe mendoj se skenari më i keq i mundshëm për Serbinë do të pasojë pas kësaj. të cilën as që mund ta imagjinoj”, tha ai për TV Pink, raporton Tanjug,
Më shumë se një dekadë Vuçiq vazhdon ta mbajë pushtetin në fillim si kryeministër e tash si president.