Wolters: KFOR-i luan rol strategjik në ruajtjen e sigurisë në rajon

 
Komandanti i Lartë i Aleatit Evropian, Gjenerali Tod D. Wolters, vizitoi bazën e KFOR-it në Prishtinë, ku ka shprehur vlerësimin e tij për rolin kyç që komandon në ruajtjen e sigurisë në Ballkanin Perëndimor.
Sipas një njoftimi të KFOR-it, gjatë vizitës, Gjenerali SACEUR Wolters u takua me Komandantin e KFOR-it, Gjeneralin Major Franco Federici, së bashku me Shtabin ndërkombëtar të HQ-së, ku kanë diskutuar për situatën në Kosovë.
Gjenerali i SACEUR Wolters gjithashtu iu drejtua dhe u takua me trupat e caktuara në KFOR, duke shprehur vlerësimin e tij për rolin kyç që komandon në ruajtjen e sigurisë në Ballkanin Perëndimor.
“KFOR-i është forca kryesore stabilizuese në Kosovë dhe luan rol strategjik në ruajtjen e sigurisë në të gjithë rajonin e Ballkanit Perëndimor. Kontributet e saj për lirinë e lëvizjes për të gjithë qytetarët në Kosovë dhe lehtësimi i integrimeve euroatlantike në rajon gjatë njëzet e dy viteve të kaluara është shquar dhe ndihmuar në transformimin e Kosovës në një vend më të sigurt”, deklaroi gjenerali SACEUR Tod D. Wolters.