Zaporizhzhia zgjohet nën sulmet raketore ruse

Një raketë goditi qytetin e Zaporizhzhia në jug të Ukrainës të premten në mëngjes, sipas postimeve në Telegram nga kreu i administratës ushtarake rajonale të Zaporizhzhia dhe kryebashkiaku në detyrë i qytetit.
“Armiku ka sulmuar Zaporizhzhia. Infrastruktura në një nga rrethet e qytetit është shkatërruar”, tha Anatoliy Kurtev, ushtrues detyre i kryetarit të qytetit Zaporizhzhia, në një postim në Telegram.
Kurtev tha se ekipet e shpëtimit janë përgjigjur në vendin e sulmit. Asnjë zyrtar nuk tha nëse raportohet për ndonjë viktimë, transmeton rtv21.tv.
Zaporizhzhia është një qendër kryesore në Ukrainën jugore, jo shumë larg vijës së frontit në një rajon pjesërisht të pushtuar nga forcat ruse – të cilat kanë pësuar sulme kundër qytetit këtë javë.
Në fillim të këtij muaji, presidenti rus Vladimir Putin nënshkroi në ligj masat për të aneksuar ilegalisht katër rajone të Ukrainës, duke përfshirë Zaporizhzhia./21Media

Back to top button