Ismajli: Situata është e qetë, nuk ka vend për shqetësim

Ismajli: Situata është e qetë, nuk ka vend për shqetësim

Nënkryetari i komunës së Gjilanit, Arbër Ismajli sot ka konfirmur se pas dy rasteve të konfirmuara me Covid-19, Zhegra dhe Vrapçiqi janë vendosur në karantinë.

“Në takimin e mëngjesit, bashkarist me Komitetin, i cili është duke e menaxhuar situatën, në koordonim të plotë me kryetarin e Komunës, Lutfi Haziri, kemi vendosur që dy fshatrat e prekura me Covid-19, të vendosen në karantinë. Ekipet tona mobile të shëndetësisë primare në koordinim të plotë me Spitalin e Përgjithshëm dhe Qendrën Rajonale të Shëndetit Publik, janë në terren për t’i identifikuar rastet eventuale që kanë mund të preken”, ka deklaruar Ismajli.

Nënkryetari i Gjilanit, siç bëhet e ditur në komunikatë, ka apeluar qytetarët që të qëndrojnë në shtëpitë e tyre dhe të kujdesen për higjienën.

“Situata është e qetë, nuk ka vend për shqetësim. Një rast i konfirmuar me Covid-19, është duke u trajtuar në shtëpi në vetizolim, i cili akoma nuk ka treguar simptoma të virusit, kurse rasti tjetër është në Klinikën Infektive në Prishtinë dhe po trajtohet atje. Jemi duke punuar vazhdimisht që të jemi afër qytetarëve. Apeli është që të qëndroni në shtëpitë tuaja dhe kujdesuni për higjienën, e cila është e vetmja mënyrë për t’u vetmbrojtur”, ka thënë Ismajli.

Kujtojmë që, numri i të prekurve nga koronavirusi në Kosovë mbrëmë ka arritur në 31, ndërsa sot është shënuar viktima e parë./21Media