Kjo ditë sjell në kujtesën tonë betejën e parë të familjes Jashari

Kjo ditë sjell në kujtesën tonë betejën e parë të familjes Jashari

Presidenti i Kosovës, Hashim Thaçi ka uruar Ditën e Veteranëve të Ushtrisë Çlirimtare Kosovës . Ai ka thënë se veteranët dhe dëshmorët e Kosovës janë shembull i sakrfikimit për lirinë.

“Në këtë 30 dhjetor, si në çdo fundvit tjetër, i nderojmë ata që bënë të mundur ta gëzojmë lirinë dhe pavarësinë tonë, veteranët e luftës sonë çlirimtare. Kjo ditë sjell në kujtesën tonë edhe betejën e parë të familjes së komandantit legjendar Adem Jashari në Prekaz, më 30 dhjetor 1991, aty ku nisi rruga e lirisë.
Veteranët e luftës së Ushtrisë Çlirimtare të Kosovës, dëshmorët dhe heronjtë e saj, janë shembull i sakrifikimit për ideale dhe për lirinë e popullit tonë.
Urime Dita e Veteranit, të gjithë veteranëve të Ushtrisë Çlirimtare të Kosovës!”, ka shkruar Thaçi në Facebook.

Sipas ligjit për veteranët e luftës së UÇK-së, Dita e Veteranit shënohet më 30 dhjetor, për të përkujtuar sakrificën, angazhimin dhe kontributin e veteranëve për sjelljen e lirisë dhe pavarësisë për popullin e Kosovës./21Media