​Edhe Reali lëshon pikë, ndalet nga Osasuna

 
Skuadra e Osasunas po vazhdon të befasojë në këtë edicion të La Ligas dhe të mërkurën e ka ndalur me barazim (0-0) edhe skuadrën e Real Madridit në ndeshjen e cila u zhvillua në stadiumin “Santiago Bernabeu”.
Skuadra e Carlo Ancelottit erdhi në këtë ballafaqim me motiv shumë të lartë pas fitores ndaj Barcelonës në “El Clasico”, por kjo nuk mjaftoi që ata të siguronin pikët e plota ndaj Osasunës.
“Los Blancos” ishin më të mirë gjatë gjithë takimit duke krijuar një numër të konsiderueshme të rasteve për të shënuar, e po ashtu ishin edhe shumë më të mirë në posedimin e topit, por që kjo nuk i dha rezultatet e pritura në fushë.
Ky barazim, e bënë Realin lider të tabelës me 21 pikë, aq sa kanë edhe Sevilla, Real Betisi dhe Real Sociedadi në pozitat dy, tre dhe katër.