Kosova dhe Britania e Madhe me marrëveshje bashkëpunimi në fushën e mbrojtjes
Ministri i Mbrojtjes, Armend Mehaj ka bërë të ditur se Kosova dhe Britania e Madhe kanë rënë dakord për një marrëveshje bashkëpunimi në fushën e mbrojtjes, që mbulon fushat kryesore si trajnimi i përbashkët, angazhimi operacional dhe shkëmbimi i praktikave më të mira.
Mehaj, i cili po qëndron për vizitë treditore në Britani të Madhe në një postim në Twitter ka thënë se marrëveshja u nënshkrua sot nga Ministri i Forcave të Armatosura.
Lidhur me këtë ministri i Forcave të Armatosura të Britanisë, James Heappey, u shpreh se Kosova është një partner i çmuar i mbrojtjes dhe Britania do të vazhdojë të punojë ngushtë për të siguruar stabilitet në Ballkanin Perëndimor.
“Ishte fantastike të nënshkruaj një marrëveshje historike sot, e cila na vë themelet për të zgjeruar dhe thelluar bashkëpunimin tonë”, tha ai.
Gjatë vizitës në Britani të Madhe, ministri Mehaj do të takohet me autoritetet më të larta në Drejtorinë e Politikave të Mbrojtjes të Ballkanit Perëndimor në Mbretërinë e Bashkuar dhe Drejtorinë e Integrimit Euro-Atlantik.
The UK and Kosovo have agreed a defence cooperation deal, covering key areas like joint training, operational engagement and exchange of best practice. The agreement was signed today by Armed Forces Minister @JSHeappey and Kosovan Defence Minister @armend_mehaj. 🇬🇧🤝🇽🇰@UKinKosovo pic.twitter.com/mEuq2JtVz7
— Ministry of Defence 🇬🇧 (@DefenceHQ) September 14, 2021