11 viktima nga Covid-19 në Maqedoninë e Veriut

 

Janë regjistruar 33 raste të reja me Covid-19, nga gjithsej 3.777 teste të bëra në 24 orët e fundit në Maqedoninë e Veriut.

Nga Ministria e Shëndetësisë njoftojnë, se janë shëruar 92 pacientë, ndërsa betejën me Covid-19 e kanë humbur 11 pacientë.

Që nga fillimi i pandemisë, në vendin tonë janë regjistruar gjithsej 155.246 raste, prej të cilëve 147.473 janë shëruar, kurse 5.398 kanë ndërruar jetë. Aktualisht në vendin tonë janë  2.375 raste aktive me virusin korona./TV21